Վարչապետ Նիկոլ Փաշինյանը հայտնել է, որ ներկայումս Արմավիրի մարզպետի պաշտոնը զբաղեցնող Դավիթ Խուդաթյանը կնշանակվի Տարածքային կառավարման և ենթակառուցվածքների նախարար։
Նա որպես մարզպետ պաշտոնավարում է 2024 թվականի հունվարից։ Iravaban.net-ը ներկայացնում է Դավիթ Խուդաթյանի կեսնագրությունը։
Խուդաթյանը 33 տարեկան է, ծնվել է 1991 թվականի օգոստոս 3-ին Արմավիրի մարզի Արմավիր քաղաքում։
Կրթություն
- 1998-2008 թթ. սովորել է Արմավիր քաղաքի Վ. Բախշյանի անվան թիվ 2 միջնակարգ դպրոցում:
- 2008-2014 թթ. սովորել է Հայաստանի պետական տնտեսագիտական համալսարանի (ՀՊՏՀ) Ինֆորմատիկայի և վիճակագրության ֆակուլտետի՝ Կառավարման տեղեկատվական համակարգեր մասնագիտությամբ:
Աշխատանքային գործունեություն
- 2014-2017 թթ. աշխատել է «ՖԻՆՔԱ» ունիվերսալ վարկային կազմակերպությունում, որպես Արմավիր մասնաճյուղի մասնագետ։
- 2017-2018 թթ. հունվար ամիսը աշխատել է «Ադմաքս» ՍՊԸ-ում, որպես կոմերցիոն մենեջեր։
- 2018 թ. փետրվար ամսից մինչև հունիս ամիսը աշխատել է «ՄՈԳՈ» ՈՒնիվերսալ վարկային կազմակերպությունում, որպես Կենտրոն մասնաճյուղի մասնագետ։
- Հայաստանի Հանրապետության վարչապետ Նիկոլ Փաշինյանի՝ 2018 թվականի հունիսի 27-ի 836-Ա որոշմամբ նշանակվել է Արմավիրի մարզի Արմավիր համայնքի ղեկավարի պաշտոնակատար։
- 2018 թ. հոկտեմբերի 21-ին տեղական ինքնակառավարման մարմինների ընտրություններում ընտրվել է Արմավիրի քաղաքապետ։
- 2021 թվականի դեկտեմբերի 5-ին տեղական ինքնակառավարման մարմինների համամասնական ընտրակարգով տեղի ունեցած ընտրությունների արդյունքում ընտրվել է ՀՀ Արմավիրի մարզի Արմավիր համայնքի ղեկավար:
- 11.01.2024թ. ՀՀ կառավարության 42-Ա որոշմամբ նշանակվել է ՀՀ Արմավիրի մարզպետ:
Այլ տվյալներ
- 2009-2011 թթ. ծառայել է ՀՀ Զինված ուժերում:
Կուսակցական պատկանելություն
- «Քաղաքացիական պայմանագիր» կուսակցության անդամ է։
Անձնական տվյալներ
- Ամուսնացած է, ունի երկու երեխա։
