Դեկտեմբերի 2-ին, ժամը 12։21-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այրում գյուղի ավտոճանապարհին բեռնատար ավտոմեքենան դուրս է եկել երթևեկելի գոտուց և ընկել ձորը։
Այս մասին հայտնում է Փրկարար ծառայությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Այրում գյուղի մոտակայքում «Volvo» մակնիշի հեղուկ գազով բեռնված կցորդիչով բեռնատարը (Գ․ Ա․, ծնված 1969 թ․) դուրս է եկել ճանապարհի երթևեկելի գոտուց և մոտ 10 մ գլորվել ձորը․ կա մեկ տուժած։
Մինչ փրկարարների կանչի վայր հասնելը՝ Գ․ Ա․-ն դուրս է բերվել ավտոմեքենայից տեղի ուժերով։
Փրկարարները Գ․ Ա․-ին պատգարակով մոտեցրել են շտապօգնության ավտոմեքենային․ տուժածը հոսպիտալացվել է բժշկական կենտրոն, որտեղ նրա առողջական վիճակը գնահատվել է միջին ծանրության։
Փրկարարները սահմանազատել են տարածքը և հոսանքազրկել բեռնատարը։
![No photo description available.](https://scontent.fevn7-1.fna.fbcdn.net/v/t39.30808-6/393127967_309642815365161_8212191887264216372_n.jpg?_nc_cat=100&ccb=1-7&_nc_sid=3635dc&_nc_ohc=2ek_d-b6XD4AX_33DR1&_nc_ht=scontent.fevn7-1.fna&oh=00_AfCIdO-HV5h3tPfjfUGb8HgtLQtgfeLvhSnorj_xGSLG8g&oe=656F1E78)