Ոստիկանությունից տեղեկացնում են․
«Աշտարակի բաժնի ծառայողները ավազակության վերաբերյալ օպերատիվ տեղեկություն են ստացել, ըստ որի երկու օր առաջ, գիշերը, Ներսես Աշտարակեցու փողոցի բնակիչ, 41-ամյա մի տղամարդ նույն փողոցի մեկ այլ շենքի շքամուտքում դանակով հարձակվել էր 35-ամյա բնակչի վրա և հափշտակել նրա բջջային հեռախոսն ու փող:
Տեղեկությունը ստուգվել ու հաստատվել է: Նույն օրը, ավազակություն կատարելու կասկածանքով, 41-ամյա տղամարդը ձերբակալվել է: Պարզվել է, որ դեպքը կատարվել էր նոյեմբերի 19-ի գիշերը, ժամը 02։30-ի սահմաններում, իսկ հեռախոսից բացի, հափշտակվել էր 100 հազար դրամ:
Արագածոտնի մարզային քննչական վարչությունում նախաձեռնվել է քրեական վարույթ: Ձեռնարկվում են միջոցառումներ` հանցագործության գործիքը և գողոնը հայտնաբերելու ուղղությամբ: Հանգամանքները պարզվում են»:
