Կենտրոն և Նորք-Մարաշ վարչական շրջանների ընդհանուր իրավասության դատարանում այսօր` դեկտեմբերի 17-ին, դատավոր Արմեն Բեկթաշյանին ամբաստանյալ Հայկ Կյուրեղյանը կրկին դիմավորեց նստաճ վիճակում: Հերթական դատական նիստին ներկա չէր Հայկ Կյուրեղյանի իրավունքների պաշտպան Արա Զաքարյանը, դատավորը հետաքրքրվեց, թե արդյոք ամբաստանյալը ցանկանո՞ւմ է հրաժարվել փաստաբանի ծառայություններից, Հայկ Կյուրեղյանը դրական պատասխան տվեց` նորից ոտքի չկանգնելով:
Դատավորը նախազգուշացրեց ամբաստանյալին, որ նա կարող է հեռացվել դատական նիստերի դահլիճից, եթե ևս մեկ անգամ խախտի կարգը` նստաց պատասխանելով իր հարցերին. «Իմ որոշումը մնում է նույնը, ես դատարանին չեմ հարգում նրա համար, որ այն համարում եմ խաղալիք դատարան, ինչ-որ մեկի գրպանի դատարան»,- հայտարարեց ամբաստանյալը:
Դատավորը որոշեց Հայկ Կյուրեղյանին տաս ժամով հեռացնել նիստերի դահլիճից, երբ ամբաստանյալը դուրս եկավ, դահլիճը աղմուկով լքեցին նաև մի քանի քաղաքացիներ: Շարունակելով դատական նիստն առանց ամբաստանյալի Արմեն Բեկթաշյանը որոշեց ամբաստանյալի համար ներգրավվել հանրային պաշտպան: Դատական նիստը հետաձգվեց: Այն կշարունակվի հաջորդ տարի` 2015 թվականի հունվարի 14-ին:
