Այս գործի մյուս նիստերը՝
բացել բոլորը
Փակել

Նախագահ Սերժ Սարգսյանը կհարցաքննվի՞ «Շանթ Հարությունյանի և ընկերներ»-ի գործով

Այսօր Կենտրոն և Նորք-Մարաշ վարչական շրջանների ընդհանուր իրավասության դատարանում «Շանթ Հարությունյանի և ընկերներ»-ի գործով նիստին պաշտպանական կողմը միջնորդեց վերսկսել դատաքննությունը:

Շանթ Հարությունյանի, Վարդան Վարդանյանի և անչափահաս Շահեն Հարությունյանի փաստաբան Ինեսսա Պետրոսյանը իր միջնորդության մեջ նշեց, որ դատաքննության ավարտին պաշտպանական կողմի մոտ հայտնվել է մի տեսաերիզ, որը կարևոր նշանակություն ունի գործի համար: Դատարանը մերժեց այս միջնորդությունը՝ ասելով, որ պաշտպանը մանրամասներ չի ներկայացրել տեսանյութի վերաբերյալ: Ինեսսա Պետրոսյանն ասաց, որ տեսանյութը վերաբերում է Սերժ Սարգսյանի այն հայտարարությանը, որ Շանթ Հարությունյանը և ընկերները պետք է դատապարտվեն:

Այնուհետև պաշտպանը միջնորդեց դատքննությունը վերսկսելով հարցաքննության հրավիրել ՀՀ նախագահ Սերժ Սարգսյանին: Պաշտպանական կողմը չառարկեց: Պաշտպան Արա Զոհրաբյանը նշեց. «Պարոն նախագահը, միգուցե տիրապետում է մի շարք հանգամանքների, որը կարևոր է դատաքննության վերսկսման համար: Նախագահի գործողություններում առկա են պաշտոնական դիրքի չարաշահում: Միգուցե նա ներկա է եղել դեպքի վայրում ու տեսել է որևէ բան»:

Այս միջնորդությունը դատարանը մերժեց, նշելով, որ այն գործին չի առնչվում ու նշանակություն չունի դատարանի համար:

Իրավաբան.net

  Դիտվել է`

Այլ դատական գործեր

Դատական գործերի տեսանյութեր

Դատական գործեր (ֆոտո)

Հետևեք մեզ Facebook-ում

  Պատուհանը կփակվի 6 վայրկյանից...   Փակել