Նորություններ

«Գյադեք այս կողմ, գյադեք` այն կողմ…». փաստաբան Նորայր Նորիկյան

Կառավարության նիստում վարչապետը տրանսպորտի և կապի փոխնախարարին բառացի ասել է. «Ձեր կարծիքն այնքան էլ կարեւոր չէ…»

Եղբա՛յր, եթե փոխնախարարի կարծիքն այդքան էլ կարևոր չէ, ամեն ինչ որոշված է, կամ Դուք եք ամեն ինչ որոշում, ինչու՞ եք այդ մարդուն բերել հասցրել կառավարություն, շնորհել փոխնախարարի կարգավիճակ, տվել ծառայողական ավտոմեքենա, քարտուղարուհի, մի հինգ օգնական ու խորհրդական, ինչու՞ եք առհասարակ մեր հարկատուների հաշվին նրան ամեն ամիս աշխատավարձ տալիս, և վերջապես, եթե այդպես է, ու՞մ է պետք այսքան ուռճացված պետական ապարատը, եթե վերջին հաշվով գործում է «Գյադեք այս կողմ, գյադեք` այն կողմ» բանաձևը…

Իսկապես զարմանում եմ. չե՞ք հոգնել այսքան ձևականություններից, այսքան կեղծ օրակարգերից, այսքան ինքնախաբեությունից Դուք չե՞ք հոգնել…

Ու գիտեք, իսկապես ցավալին այն չէ, որ այսօր Դուք եք ամեն ինչ որոշողը, Դուք էք «Գյադեք այս կողմ, գյադեք` այն կողմ» ասողը:

Այսօր Դուք եք ասում, վաղն ուրիշը կասի, ողբերգությունն այն է, որ Ձեր տեսակի այլընտրանքը չկա, բոլորդ նույնն եք` փողոցում, թե գրասենյակում կամ սև ապակիներից անդին…

Դուք իսկապես չե՞ք գիտակցում, որ Ձեր տարբերության բացակայությունը կասեցնում է մեր երկրի զարգացումը…

Կեցցե՛ նոր Հայաստանը…

Գրառումը` փաստաբան Նորայր Նորիկյանի ֆեյսբուքյան էջից:

Իրավաբան.net

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել