Այս գործի մյուս նիստերը՝
բացել բոլորը
Փակել

Դուք կարողա ձեզ ձեր երազած տղու տեղն եք դրել. Շանթ Հարությունյանի հարցը ոստիկանին

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում Շանթ Հարությունյանի և ընկերների գործով այսօր ցուցմունք տվեցին 21 վկաներ. վերջիններս ոստիկաններ էին:

Նրանց ցուցմունքները միմյանցից գրեթե չէին տարբերվում: Բոլոր ականատես վկաները պնդեցին, որ նոյեմբերի 5-ին տեսել են, որ ակտիվիստները ծեծի են ենթարկել քաղաքացիական հագուստով ոստիկանի` նշելով, թե ոստիկան ա, ծեծե՛ք:

Բայց նրանցից որևէ մեկը չնշեց, թե ո՞վ էր այդ քաղաքացիական հագուստով ոստիկանը:

Ոստիկան վկաները դատավարության մասնակիցների կողմից հնչեցվող որոշ հարցերի չէին պատասխանում` պատճառաբանելով, որ չեն հիշում:
Վկա Արտակ Ավետիսյանի ցուցմունքը` քաղաքացիական հագուստով ոստիկանի հետ կապված, բարկացրեց Շանթ Հարությունյանին. «Դուք կարողա ձեզ ձեր երազած տղու տեղն եք դրել: Չեք հիշում, որ ես ասում էի թողե՛ք, թող տանեն»: Ոստիկանն ի պատասխան ասաց` չեմ լսել:

Այնուհետև փաստաբան Արա Զաքարյանը միջնորդություն ներկայացրեց` պահանջելով դատարան բերել հեռուստացույցը և ցուցադրել դեպքի տեսագրությունները, որպեսզի վկան մատնանշի, թե դեպքի վայրում որտե՞ղ է կոնկրետ եղել, քանի որ վկան հստակ չի կարողանում հիշել:

Մյուս պաշտպանները ևս միացան ներկայացված միջնորդությանը: Դատավոր Մնացական Մարտիրոսյանը մերժեց ներկայացված միջնորդությունը` վկայակոչելով այն հանգամանքը, որ գործում առկա տեսանյութը դատաքննության ժամանակ պատշաճ կերպով հետազոտվել է, ինչպես նաև փոխանցվել դատավարության մասնակիցներին:

Արտակ Ավետիսյանի ցուցմունքին առավել մանրամասն կարող եք ծանոթանալ այստեղ:

Արև Ավագյան

Իրավաբան.net

  Դիտվել է`

Այլ դատական գործեր

Դատական գործերի տեսանյութեր

Դատական գործեր (ֆոտո)

Հետևեք մեզ Facebook-ում

  Պատուհանը կփակվի 6 վայրկյանից...   Փակել