Այս գործի մյուս նիստերը՝
բացել բոլորը
Փակել

Վիճաբանություն դատարանում. «Ասում եմ էն, ինչ եղել ա, քեզ նորմալ պահի, դեմդ ոստիկան ա կանգնած». լրացված

Քիչ առաջ Երևան քաղաքի Կենտրոն և Նորք Մարաշ վարչական շրջանների ընդհանուր իրավասության դատարանում «Ցեղակրոն» կուսակցության ղեկավար Շանթ Հարությունյանի, նրա ընկերների և գործով տուժող ճանաչված ոստիկան Գեղամ Խաչատրյանի միջև վիճաբանություն սկսվեց:

Ոստիկան Գեղամ Խաչատրյանը ցուցմունք էր տալիս, երբ ամբաստանյալներ Արմեն Հովհաննիսյանի և Տիգրան Պետրոսյանի պաշտպան Արա Զաքարյանը, հարց տվեց ոստիկանին. «Խնդրում եմ ասեք` դուք բարձրախոսով դիմե՞լ եք երթի մասնակիցներին ու ասել, որ եթե ցանկություն ունեք փողոցն անցնելու, խնդրում ենք 20 մետր վերևի հատվածից անցեք»:

Ոստիկանն ասաց, որ բարձրախոսով չի դիմել, քանի որ Շանթ Հարությունյանն ու նրա համախոհները թույլ չեն տվել, որ բանը հասնի դրան: Այդ խոսքից հետո իրարանցում սկսվեց դատարանում. Շանթ Հարությունյանը վեր կացավ տեղից` ասելով, որ ոստիկանը զրպարտում է իրեն:

«Ասում եմ էն, ինչ եղել ա, քեզ նորմալ պահի, դեմդ ոստիկան ա կանգնած»,- հավելեց Գեղամ Խաչատրյանը:

Դատարանում հնչեցին փոխադարձ մեղադրանքներ և դատավոր Մնացական Մարտիրոսյանը, դատարանում կարգ ու կանոն հաստատելու նպատակով, հայտարարեց 30 րոպե ընդմիջում:

Ընդմիջումից հետո դատավորը հրապարակեց որոշում՝ ըստ որի Շանթ Հարությունյանի նկատմամբ կիրառվում է դատավարական սանկցիա՝ նախազգուշացման ձևով, դատական կարգը խախտելու համար:

Արև Ավագյան
Իրավաբան.net

  Դիտվել է`

Այլ դատական գործեր

Դատական գործերի տեսանյութեր

Դատական գործեր (ֆոտո)

Հետևեք մեզ Facebook-ում

  Պատուհանը կփակվի 6 վայրկյանից...   Փակել