Արարատի մարզում կայացավ եռօրյա հակակոռուպցիոն ուսուցում ՔՀԿ-ների և ԶԼՄ-ների համար

Եռօրյա հակակոռուպցիոն ուսուցում Արարատի մարզում: Այն նախատեսված է մարզում գործող հասարակական կազմակերպությունների և զանգվածային լրատվության միջոցների համար: Կազմակերպիչը Հայաստանի երիտասարդ իրավաբանների ասոցիացիան է Ինֆորմացիայի ազատության կենտրոնի հետ համատեղ`«Կոռուպցիայի դեմ պայքարի բազմակողմանի խթանում ծրագրի» շրջանակներում:

«Մեր ծրագրի հիմնական նպատակն է ՔՀԿ-ների և ՀԿ-ների դերի բարձրացումը հակակոռուպցիոն բարեփոխումների խթանման և իրականցման գործում»,- ասաց «Կոռուպցիայի դեմ պայքարի բազմակողմանի խթանում ծրագրի» ղեկավարի օգնական Նվարդ Լոռյանը:

Առաջին օրվա օրակարգում լավ/բարեխիղճ կառավարման սկզբունքներն են, կոռուպցիա հասկացությունը, զարգացման պատմությունը, առաջացման պատճառները, բացասական հետևանքները, կոռուպցիայի մասին կարծրատիպերը, նրա տիպաբանությունը և ոչ միայն:

«Պատշաճ քաղաքական կամք պետք է լինի, վստահություն` ազգաբնակչության կողմից, որ իսկապես կա ցանկություն Հայաստանում վերացնել կոռուպցիան»,-ասաց Երևանի հակակոռուպցիոն կենտրոնի ղեկավար, Տեղական ինքնակառավարման եվրոպական խարտիայի անկախ փորձագետների խմբի անդամ Մարատ Ատովմյանը:

Ուսուցման մասնակիցներից յուրաքանչյուրն իր պատկերացումն ունի կոռուպցիա երևույթի մասին: Խոսում են, քննարկում դրա դեմ պայքարի արդյունավետ մեխանիզմները:

«Սրա դեմ պետք է պայքարել քաղաքացիական հասարակության ներկայացուցիչների միահամուռ ջանքերով»,- նշեց «Միասին» հաշմանդամություն ունեցող անձանց շահերի պաշտպանության ՀԿ նախագահ Տիգրան Շիրինյանը:

Ուսուցման երկրորդ և երրորդ օրերին մասնակիցները ծանոթացան հակակոռուպցիոն հանրային մոնիթորինգի հասկացությանը, մեթոդաբանությանը, միջազգային փորձին: Քննարկեցին Կառավարության և Իրավական և դատական բարեփոխումների 2012-2016թթ. ռազմավարական ծրագրերը, հակակոռուպցիոն կոալիցիաներ ստեղծելու միջազգային փորձն ու մեխանիզմները, կատարեցինք գործնական աշխատանքներ:

Տեղեկատվություն ստանալու մեխանիզմներն ու աղբյուրները, ինչպես նաև լրագրողական հետաքննության իրականացման կարգն ու առանձնահատկությունները ևս ուսուցման օրակարգում էին:

«Իմ կարծիքով ամենակարևորը քաղաքական կամքն է: Եթե այդ կամքը կա վերևից սկսված, այդ դեպքում շատ բաների հնարավոր է հասնել»,- կարծում է Միջազգային փորձագետ Քարլ Ուլբրիխտը:

Ուսուցումը հաջողությամբ ավարտած ՔՀԿ-ները և ԶԼՄ-ները հնարավորություն կունենան մասնակցել հանրային վերահսկողության արդյունավետության բարձրացման և համապատասխան մոնիթորինգային, վերահսկողական և հետաքննական ծրագրերի իրականացման նպատակով տրամադրվող փոքր դրամաշնորհների մրցույթին:

Հակակոռուպցիոն ուսուցման մասնակից ՔՀԿ-ների ցանկին կարող եք ծանթանալ այստեղ:

Իրավաբան․net

  Դիտվել է`

Ընտրանի

Իրադարձություններ