Այս գործի մյուս նիստերը՝
բացել բոլորը
Փակել

Դատարանը կրկին մերժեց, նիստը կրկին հետաձգվեց

Քիչ առաջ Կոտայքի մարզի ընդհանուր իրավասության դատարանի Եղվարդի նստավայրում դատավոր Յուրի Բաղդասարյանը մերժեց Վարդան Պետրոսյանի պաշտպան Նիկոլայ Բաղդասարյանի ինքնաբացարկի միջնորդությունը:

«Միջնորդությունս մերժեց` դատական նիստն էլի հետաձգելով: Ենթադրում եմ, որ իրենք դատ չեն ուզում անել, սպասում են, որ նախաքննությունն ավարտվի, որպեսզի հետո պատճառաբանեն, որ Վարդան Պետրոսյանի գործով նախաքննությունն ավարտվել է, դրա համար բողոքս չեն կարող քննել»,- Իրավաբան.net-ի հետ զրույցում ասաց Նիկոլայ Բաղդասարյանը:

Նրա խոսքով` ժամանակին նման դատական պրակտիկա է եղել. «Բայց Կրոմվել Գրիգորյանի գործով Վճռաբեկ դատարանը այլ որոշում կայացրեց. միջդատական վարույթը վերջացել էր, բայց քննության առարկա դարձրեց և բավարարեց բողոքը»:

Նիկոլայ Բաղդասարյանի տեղեկացմամբ` գործով որոշում կայացնելու համար անհրաժեշտ բոլոր փաստաթղթերը ներկայացվել է դատարանին. միայն անհրաժեշտ է բացատրություններ ներկայացնել և վերջ. գործի քննությունը ձգձգելու հիմք չկա:

Փաստաբանի փոխանցմամբ` շուտով կավարտվի Վարդան Պետրոսյանի գործով նախաքննությունը:

Հիշեցնենք, որ դատավորին ինքնաբացարկի միջնորդություն ներկայացնելու հիմք է հանդիսացել Յուրի Բաղդասարյանի որոշումը` Վարդան Պետրոսյանին ձերբակալելու մասին որոշման բողոքարկման քննությունը դռնփակ անցկացնելու վերաբերյալ:

Ըստ դատավորի հիմնավորման` Վարդան Պետրոսյանի գործն առնչվում է պետական և ծառայողական գաղտնիքի հետ:

Նշենք, որ Վարդան Պետրոսյանի պաշտպան Նիկոլայ Բաղդասարյանը բողոքարկում է Վարդան Պետրոսյանին ձերբակալելու մասին որոշումը:

Նա արդեն մեկ անգամ դատավորին ինքնաբացարկի միջնորդություն է ներկայացրել այն հիմնավորմամբ, որ դատավորը, նախքան Վարդան Պետրոսյանին ձերբակալելու մասին որոշում կայացնելը, քննիչից էլեկտրոնային եղանակով ստացել է միջնորդությունը և աշխատել այդ նույն տեքստի վրա. Դատարանի որոշման և քննիչի միջնորդության տեքստի մեջ կրկնվում են նույն տառասխալները, ավելի թողնված պրաբելներն ու կետադրական սխալները: Դատարանը մերժել է ինքնաբացարկի միջնորդությունը:

 

Նունե Հովսեփյան

Իրավաբան.net

Այս գործի մյուս նիստերը՝

Այլ դատական գործեր

Կարևոր լուրեր

Հետևեք մեզ Facebook-ում

  Պատուհանը կփակվի 6 վայրկյանից...   Փակել