Ազատամարտիկ Վոլոդյա Ավետիսյանի գործը քննող քննիչը միջնորդություն էր ներկայացրել դատարան ազատամարտիկի նկատմամբ ընտրված խափանման միջոց կալանավորումը երկու ամսով երկարացնելու համար:
Երևանի Արաբկիր և Քանաքեռ-Զեյեթուն վարչական շրջանների ընդհանուր իրավասության առաջին ատյանի դատարանում այսօր պետք է տեղի ունենար նշված միջնորդության քննությունը: Սակայն կայանալիք դատական նիստը հետաձգվեց:
Վոլոդյա Ավետիսյանի պաշտպան Արա Զաքարյանը Իրավաբան.net-ի թղթակցի հետ զրույցում ասաց, որ ինքը հանդես է եկել միջնորդությամբ և ժամանակ խնդրել դատարանից իր առարկությունները ներկայացնելու համար: Դատարանը բավարարել է պաշտպանի միջնորդությունը:
Հաջորդ դատական նիստը տեղի կունենա վաղը ժամը 11:05-ին:
Իրավաբան.net
