Այս գործի մյուս նիստերը՝
բացել բոլորը
Փակել

ԱԺ ՀՅԴ խմբակցության միջնորդությունը՝ Վարդան Պետրոսյանի խափանման միջոցը փոխելու վերաբերյալ

ՀՀ Գլխավոր դատախազ պարոն Գ.Կոստանյանին

Պատճենը` ՀՀ վերաքննիչ քրեական դատարանի նախագահ պարոն Տ. Սահակյանին,

ՀՀ Կոտայքի մարզի դատախազ պարոն Վ. Ռշտունուն,

ՀՀ Ոստիկանության Նաիրիի քննչական բաժանմունքի քննիչ պարոն Հ. Հակոբյանին

ԴԻՄՈՒՄ
(անձնական երաշխավորություն կիրառելու մասին )

ՀՀ Կոտայքի մարզի ընդհանուր իրավասության առաջին ատյանի դատարանը 2013 թվականի հոկտեմբերի 20-ին Եղվարդ-Երևան ավտոճանապարհին տեղի ունեցած ավտովթարի մասնակից Վարդան Պետրոսյանի նկատմամբ խափանման միջոց է ընտրել կալանավորումը երկու ամիս ժամկետով:

Նշված որոշումը բողոքարկվել է ՀՀ Վերաքննիչ քրեական դատարան: Տեղի է ունեցել ողբերգություն: Ցավակցում ենք զոհված երիտասարդների հարազատներին:

Վստա ենք, որ անձնական ողբերգություն է ապրում նաև Վարդան Պետրոսյանը:

Ղեկավարվելով Հայաստանի Հանրապետության քրեական դատավարության օրենսգրքի 145 և 147 հոդվածներով, հաշվի առնելով Վարդան Պետրոսյանի անձը, նրա անցած ճանապարհը, նրա առողջական վիճակը, նրան մեղսագրվող արարքի բնույթը և հասարական վտանգավորության աստիճանը՝ մենք անհրաժեշտ ենք գտնում հանդես գալ անձնական երաշխավորությամբ: Խնդրում ենք նրա նկատմամբ ընտրված խափանման միջոցը` կալանքը փոխել այլ խափանման միջոցով`անձնական երաշխավորությամբ:

Մենք ՀՀ Ազգային ժողովի ներքոստորագրյալ պատգամավորներս երաշխավորում ենք Վարդան Պետրոսյանի պատշաճ վարքագիծը, քրեական վարույթն իրականացնող մարմնի կանչով նրա ներկայանալը և այլ դատավարական պարտականություններ կատարելը: Պատրաստ ենք մուծել օրենքով նախատեսված անձնական երաշխավորության գումարը:

Հարգանքով՝

Արմեն Ռուստամյան
Աղվան Վարդանյան
Արծվիկ Մինասյան
Արմեն Բաբայան

 

Իրավաբան.net

  Դիտվել է`

Այլ դատական գործեր

Դատական գործերի տեսանյութեր

Դատական գործեր (ֆոտո)

Հետևեք մեզ Facebook-ում

  Պատուհանը կփակվի 6 վայրկյանից...   Փակել