Ո՞ր դեպքերում են ապրանքները և տրանսպորտային միջոցները ենթակա հայտարարագրման:
Հարգելի° ընթերցող,
Ապրանքները և տրանսպորտային միջոցները, բացառությամբ օրենքով նախատեսված դեպքերի, ենթակա են հայտարարագրման տարածաշրջանային մաքսատներում կամ մաքսային կետերում վերադաս մաքսային մարմնի սահմանած կարգով եթե` դրանք տեղափոխվում են Հայաստանի Հանրապետության մաքսային սահմանով կամ փոփոխվում է դրանց նկատմամբ կիրառվող մաքսային ռեժիմը:
Հայտարարագրումը իրականացվում է վերադաս մաքսային մարմնի սահմանած ձևով` գրավոր կամ բանավոր, նշելով ճշգրիտ տեղեկություններ ապրանքների և տրանսպորտային միջոցների, դրանց փոխադրման նպատակների մասին, ինչպես նաև մաքսային հսկողության և ձևակերպման համար անհրաժեշտ այլ տեղեկութուններ:
Ապրանքների և տրանսպորտային միջոցների համար մաքսային հայտարարագիրը մաքսային մարմին է ներկայացվում մինչև ապրանքների և տրանսպորտային միջոցների նկատմամբ մաքսային հսկողության իրականացում և այս ապրանքների և տրանսպորտային մրջոցների բացթողումը`
- ապրանքներ և դրանք տեղափոխող տրանսպորտային միջոցներ ներմուծելիս`ներմուծմանը հաջորդող 10-օրյա ժամկետում,
- ապրանքներ և դրանք տեղափոխող տրանսպորտային միջոցներ արտահանելիս` արտահանմանը նախորդող 10-օրյա ժամկետում:
Ֆիզիկական անձինք սահմանը հատելիս իրենց կողմից տեղափոխվող ուղեկցող բեռի մաքսային հայտարարագիր ներկայացնում են ուղեկցող բեռը մաքսային մարմնի հսկողությանը ներկայացնելու հետ մեկտեղ` մինչև մաքսային մարմնի կողմից մաքսային հսկողության միջոցների իրականացումը:
