Կաշառքի միջնորդության մեջ մեղադրվող փաստաբան Գայանե Գալոյանի գործով քննիչ է ձերբակալվել: Այս մասին Իրավաբան.net-ի հետ զրույցում հայտնեց Գալոյանի փաստաբանը՝ Մնացական Ղազարյանը:
Նրա խոսքով՝ քննիչի ձերբակալման մասին իմացել է վերաքննիչ դատարանում խափանման միջոցի փոփոխման համար նշանակված նիստի ընթացքում:
Հիշեցնենք, որ փաստաբան Գայանե Գալոյանին մեղադրանք է առաջադրված ՀՔԾ վարույթում քննվող մի քրեական գործի շրջանակում: Մեղադրանքն առաջադրվել է ՀՀ քրեական օրենսգրքի 38-311 րդ հոդվածի չորրորդ մասի 2-րդ կետով նախատեսված հանցավոր արարքի կատարման համար: Գալոյանի նկատմամբ որպես խափանման միջոց է կիրառվել կալանավորումը:
