Ռոստովի շրջանում երեկ ձերբակալվել է այն անձը, ով մահացու հարված է հասցրել հայ վարորդին: Գրում է LifeNews-ը:
Դեպքը տեղի էր ունեցել օգոստոսի 30-ին, 22-ամյա Ռաֆայել Խլղաթյանը և նրա հայրը, դուրս էին եկել խնջույքից և փորձել հեռանալ «Ֆորդ ֆոկուս» ավտոմեքենայով, սակայն կայանատեղիում Ռաֆայելը, ով եղել է ղեկին, մեքենայով վնասել է կայանված 5 մեքենա: Առաջացել էր կոնֆլիկտ, որից հետո ավտոմեքենաների վարորդներն ու այլ անձիք՝ 100-ից ավելի մարդ, հարձակվել էին վարորդի վրա:
Նշվում էր, որ ծեծկռտուքի ժամանակ մի անձ ուժգին հարված է Ռաֆայելին, որն էլ ճակատագրական է եղել նրա համար:
Ըստ իրավապահների այդ անձը նույն գյուղի բնակիչ, 46-ամյա Անդրեյն է:
Իրավապահները նրան կանչել են հարցաքննության և ձերբակալել:
