Հայաստանի Հանրապետությունում արտոնագրային վճար վճարող են համարվում իրենց հաշվառման (բնակության, գործունեության իրականացման) վայրի հարկային մարմիններին օրենքով սահմանված ժամկետներում ու կարգով դիմում-հայտարարություն ներկայացրած ինչպես անհատ ձեռնարկատերերը, այնպես էլ գործարարական գործունեությամբ զբաղվող ֆիզիկական անձինք, բացառությամբ «Արտոնագրային վճարների մասինն» ՀՀ օրենքով սահմանված դեպքերի:
Կախված գործունեության իրականացման տեսակից, օբյեկտի տարածքային չափերից, ինչպես նաև գործունեության իրականացման վարչատարածքային միավորից (մարզ, քաղաք, գյուղ)` օրենքով սահմանվում է եռամսյա արտոնագրային վճարների հետևյալ դրույքաչափերը`
1) մինչև մինչև 50 մ2 տարածք ունեցող հանրային սննդի ոլորտում իրականացվող գործունեության դեպքում` 225,000 դրամ` Երևան քաղաքում, 157,500 դրամ` մարզկենտրոններում, 157500 դրամ` այլ քաղաքներում, 157500 դրամ` այլ վայրերում, 67500 դրամ` հեռավոր և սահմանամերձ գյուղերում: Տվյալ օրենքի 8-րդ հավելվածի 9-րդ կետում նաև սահմանված են նաև մինչև 50 մ2 ավելի` մինչև 300 մ2, 300 մ2 ավելի` մինչև 500 մ2, 500 մ2 մակերեսից ավելի տարածք ունեցող հանրային սննդի ոլորտում իրականացվող գործունեության դեպքում արտոնագրային վճարների այլ դրույքաչափեր:
2) հյուրանոցային տնտեսության օբյեկտների գործունեության դեպքում ` 2200 դրամ` Երևան քաղաքում, 1260 դրամ`մարզկենտրոններում, 1260 դրամ` այլ քաղաքներում, 900 դրամ` այլ վայրերում, 900 դրամ` հեռավոր և սահմանամերձ գյուղերում:
3) Կախված մեքենայի քանակից` թեթև մարդատար մեքենայով ուղևորափոխադրման դեպքում` 29000 դրամ` Երևան քաղաքում, 16800 դրամ` մարզկենտրոններում, 16800 դրամ` այլ քաղաքներում 16800 դրամ` այլ վայրերում, 16800 հեռավոր և սահմանամերձ գյուղերում
4) Կախված աշխատատեղից` վարսավիրական ծառայությունների մատուցման գործունեության դեպքում`45000 դրամ` Երևան քաղաքում 36000 դրամ` մարզկենտրոններում, 27000 դրամ` այլ քաղաքներում, 27000 դրամ`այլ վայրերում, 27000 դրամ`հեռավոր և սահմանամերձ գյուղերում:
Վերոհիշյալ հավելվածի 9-րդ կետում նաև սահմանված են ավտոտեխսպասարկման կայանների (կետերի) գործունեության, ավտոկանգառների գործունեության, բիլիարդ խաղի կազմակերպման եռամսյա արտոնագրային վճարների դրույքաչափերը:
Արտոնագրային վճար վճարողներն արտոնագրային վճարը վճարում են մինչև արտոնագիր ստանալը:
