Հաշվի առնելով մանկավարժական ոլորտում կրթադաստիարակչական, ինչպես նաև դաստիարակվողների` սոցիալական որևէ խմբին պատկանելու մի շարք առանձնահատկություններ`ՀՀ կառավարության № 201-Ն որոշմամբ սահմանվում են մանկավարժական գործողությամբ զբաղվողների աշխատաժամանակի կրճատ տևողություններ:
Համաձայն վերոհիշյալ որոշման 24-րդ կետի`աշխատաժամանակի կրճատ տևողություն սահմանվում է մանկավարժական աշխատանքի կատարման համար հետևյալ առանձնահատուկ պայմաններում`
ա) շաբաթական 22 ժամ մանկավարժական աշխատանք` դասավանդող լոգոպեդների և դասավանդող դեֆեկտոլոգների, հատուկ մանկավարժական օգնություն ցուցաբերող դասավանդողների,
բ) շաբաթական 24 ժամ մանկավարժական աշխատանք` երաժշտություն դասավանդողների,
գ) շաբաթական 30 ժամ մանկավարժական աշխատանք` բուժական ֆիզկուլտուրայի գծով հրահանգիչների,
դ) շաբաթական 30 ժամ մանկավարժական աշխատանք` կրթության առանձնահատուկ պայմանների կարիք ունեցող երեխաների դաստիարակների,
ե) շաբաթական 30 ժամ մանկավարժական աշխատանք` գիշերօթիկ դպրոցների, մանկատների, հանրակրթական հաստատությունների երկարօրյա խմբերի դաստիարակների,
զ) շաբաթական 36 ժամ մանկավարժական աշխատանք` երկարատև բուժման ու խնամքի կարիք ունեցող երեխաների և ընդհանուր տիպի հաստատությունների դաստիարակների,
է) շաբաթական 36 ժամ մանկավարժական աշխատանք` նախադպրոցական ուսումնական հաստատությունների դաստիարակների համար:
