«Ազատության» հրապարկում էլեկտրաէներգիայի սակագնի բարձրացման դեմ ցույց անողներից մեկը բերանը կարել է:
Իրավաբան.net-ի հետ զրույցում «Երևանի շտապ բուժօգնության ծառայության» տնօրեն Թագուհի Ստեփանյանը նշեց, որ ցուցարարը տեղափոխվել է «Սուրբ Գրիգոր Լուսավորիչ» բժշկական կենտրոն:
Նրա խոսքով` ցուցարարի մոտ առողջական խնդիրներ չեն եղել:
Էլեկտրաէներգիայի սակագնի թանկացման դեմ բողոքի ցույցերի համակարգողներից Դավիթ Սանասարյանը («Ժառանգություն» կուսակցության անդամ , Երևանի ավագանում անդամ) Իրավաբան.net-ի հետ զրույցում նշեց, որ ցուցարարը կշարունակի պայքարը.
«Ես էլ եմ շարունակում պայքարը «Ազատության» հրապարակից, բայց բերան կարելը ծայրահեղ ու ոչ ճիշտ մեթող եմ համարում»:
Հիշեցնենք, որ երեկվանից Բաղրամյան պողոտան երթևեկելի է. ցուցարարները տեղափոխվել են «Ազատության» հրապարակ:
Զարուհի Մանուչարյան
Իրավաբան.net
