Ոստիկանները այս պահին հեռացնում են ցուցարարների կողմից կազմված բարիկադները: Ոստիկանները, հիշեցնենք, հավելյալ ժամանակ չտվեցին ցուցարարներին և այս պահին կատարվում է ցույցը ցրելու առաջին գործողությունը` աղբամաններից կառուցված բարիկադների հեռացումը:
Ցուցարարները գոռում են. «Տարան, տարան», «Ազատ, անկախ, Հայաստան» և այլ վանկարկումներ:
12:40
Բարիկադներն այլևս չկան: Ոստիկանությունը շարունակումէ կոչ անել ցուցարարներին` հեռանալ Բաղրամյան պողոտայից: Բոլոր աղբամանները տեղադրվել են բեռնատար մեքենաների մեջ:
12:50
Վալերի Օսիպյանը կոչ է անում քաղաքացիներին` վերականգնել Բաղրամյան պողոտայի նախկին տեքսը, հեռանալ պողոտայից, ցուցարարները հրաժարվում են:
12:56
«Աղբամաններով փողոցը փակելը ի՞նչ է տալիս իրենց, չգիտեմ: Աղբամանների փոխարեն այլ բարիկադներ կարող են տեղադրվել»,- լրագրողների հետ զրույցում ասաց «Ոչ թալանին» նախաձեռնության անդամ Մաքսիմ Սարգսյանը:
Այս պահին կարմիր բերատավորները պատ են կառուցել:
13:06
«Ով ձեռք կբարձրացնի որևէ քաղաքացու վրա, ապա նա կոտնահարի ՀՀ Սահմանադրությունը, որը երեկ դարձավ 20 տարեկան»,- բարձրախոսով հայտարարեց ցուցարարներից մեկը:
13:08
«Հարգելի լրագրողներ, խնդրում եմ ազատել փողոցի բանուկ մասը` գնացեք աջ կամ ձախ»,- կոչ արեց Երևանի փոխոստիկանապետ Վալերի Օսիպյանը:
13:14
այս պահին ցուցարարները նստած են գետնին, միմյանց թևանցուկ արած և գոռում են. «Հեռացեք:
13:15
Ոստիկանները սկսեցին քաշքշել գետնին նստած ցուցարարներին:
13:18
Ոստիկանությունը ցուցրարաներին ուժի կիրառմամաբ հեռացնում է Պողոտայի բանուկ մասից: Մարդկանց մի զգալի մասը մնացել են պողոտայի աջ և ձախ մայթերին:
13:25
Բաղրամյան պողոտայում երթևեկությունը վերականգնվեց:
13:31
Ոստիկանները շարունակում են պատ կազմած մնալ պողոտայի մայերի երկայնքով, որտեղ հավաքված են ցուցարարները:
13:37
Կան բերման ենթարկվածներ, սակայն ոստիկանությունից դեռևս տեղեկություններ չեն հայտնում: Իրավաբան.net-ի հետ զրույցում ոստիկանությունից ասածին, որ դեռևս տվյալներ չկան բերման ենթարկվածների վերաբերյալ: Սակայն Երևանի փոխոստիկանապետ Վալերի Օսիպյանը հայտարարել է, որ բերման ենթարկվելուց հետո նրանց ազատ են արձակելու, քրեական հետապնդում չի լինելու:
