Կենտրոն և Նոր Նորք վարչական շրջանների ընդհանուր իրավասության դատարանում, դատավոր Գագիկ Պողոսյանի նախագահությամբ, քննվում է մի գործ, որով ամբաստանվում են 4 անձ` կաշառք տալու փորձի և խարդախությամբ հափշտակություն կատարելու համար:
Համաձայն մեղադրական եզրակացության` Լիլիա Մարտիրոսյանը ցանկացել է որդուն տեղավորել Երևանի պետական համալսրանի իրավագիտության ֆակուլտետում: Այս հարցով դիմել է Հայաստանի պետական մանկավարժական համալսարանի դասախոս Հրաչիկ Չփլախյանին:
Հրաչիկ Չփլախյանն էլ այս մասին հայտնել է մյուս երկու ամբաստնյալներին` Լավրենտ Քոսյանին և Լևոն Կիզոկյանին, ովքեր իմանալով, որ կինը պատրաստ է իր նպատակին հասնելու համար պատասխանտու պաշտոնատար անձնաց կաշառք տալ, խոստացել են միջնորդ լինել այդ հարցում` նպատակ ունենալով Լիլիա Մարտիրոսյանից առանձնապես խոշոր չափերով գումար հափշտակել:
Լիլիա Մարտիրոսյանին մեղադրանք է առաջադրված կաշառք տալու փորձ կատարելու համար, Հրաչիկ Չփլախյանին` կաշառք տալուն միջնորդելու փորձի համար, իսկ Լավրենտ Քոսյանին և Լևոն Կիզոկյանին` խարդախության առաձնապես խոշոր գումար հափշտակելու համար: Վերջին երկուսի նկատմամբ խափանման միջոց է ընտրված կալանավորումը, մյուսների հանդեպ` ստորագրությունը` չհեռանալու մասին:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
