Ծննդատանը հրազենային վնասվածք ստացած կնոջ առողջական վիճակը չի վատացել

Հունիսի 30-ի առովտյան Երեւանի Պերինատոլոգիայի, մանկաբարձության եւ գինեկոլոգիայի կենտրոնի հիվանդասենյակում ամուսնու կողմից հրազենային վնասվածք ստացած 28-ամյա Մելինե Ասատրյանի առողջական վիճակը շարունակում է մնալ կայուն ծանր. այս մասին Իրավաբան.net-ին հայտնեց բժշկական կենտրոնի տնօրեն Ռազմիկ Աբրահամյանը:

Նրա խոսքով, կնոջ վիճակը չի վատացել, ինչը նույնպես կարելի է հաջողություն համարել:

Հիշեցնենք, որ կինը դեպքից մեկ օր առաջ կեսարյան ահտամամբ արու զավակ էր ունեցել: Ամուսինը` 33-ամյա Հայկը կրակոցներից երկու գնդակ դիպել էր կնոջ պարանոցին ու ուսային հատվածին, մեկ գնդակ պատին էր կպել, իսկ չորրորդ գնդակով ինքնասպան էր եղել:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել