Թանկարժեք հարսանիքից՝ բանտ

Բրիտանիայում ձերբակալել են ամուսինների, որոնց հարսանեկան արարողությունը 65.000 ամերիկյան դոլար է արժեցել:

Սուոնս քաղաքի (Ուելս) բնակչուհի Դոննա Հանի-Ջոնսի տարեկան եկամուտը 9.500 ամերիկյան դոլար է կազմել, իսկ ամուսնու տարեկան եկամուտը ընդամենը՝ 7.800 դոլար: Այս մասին տեղեկացնում է Daily News-ը:

Իրավապահները կասկածի տակ են առել ամուսինների շքեղ կյանքը, քանի որ Քարլ և Դոննա Հանի-Ջոնսի եկամուտները բոլորովին չեն համապատասխանել վերջիններիս ճոխ կենսակերպին: Վերջիններս շրջագայությունների վրա մեծ գումարներ են ծախսել, շքեղ առանձնատներ և ավտոմեքենաներ ձեռք բերել:

Ավելի ուշ պարզ է դարձել, որ ամուսինները կոկաինի վաճառքով են զբաղվել, որը և առաքել և իրացրել են կնոջ հոր՝ Բրայն Հարդինգի և ամուսնու զարմիկի՝ Մեթյու Ջոնսի միջոցով:

Իրավապահները ընտանիքին պատկանող տարբեր հասցեներից 1մլն ամերիկյան դոլար արժողությամբ կոկաին և 90.000 դոլար կանխիկ գումար են հայտնաբերել:

Քարլ Հանի-Ջոնսը 9 տարվա ազատազրկման է ենթարկվել փողերի լվացման և թմրադեղերի ապօրինի առքուվաճառքով զբաղվելու մեղադրանքով: Մեթյու Ջոնսը 8 տարվա իսկ Բրայն Հարդինգը 5 տարվա ազատազրկման են ենթարկվել:

Պատրաստեց Լիլիթ Գասպարյանը
Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել