Այդ աշխատանքների ցանկը տրված է ՀՀ Կառավարության 1698-Ն` ՀՀ Կառավարության որոշումը ծանր, վնասակար արտադրությունների, աշխատանքների, մասնագիտությունների և պաշտոնների, առանձնապես ծանր, առանձնապես վնասակար արտադրությունների, աշխատանքների, մասնագիտությունների և պաշտոնների ցանկերը հաստատելու վերաբերյալ որոշմամբ:

ՀՀ աշխատանքային օրենսգրքով սահմանված են մայրության պաշտպանության երաշխիքները, որի 258-րդ հոդվածի 1-ին մասի համաձայն` Հայաստանի Հանրապետության օրենսդրությամբ սահմանված ծանր, վնասակար, առանձնապես ծանր, առանձնապես վնասակար աշխատանքներում հղի կամ մինչև մեկ տարեկան երեխա խնամող կանանց ներգրավելն արգելվում է:

Թեև վերոնշյալ որոշմամբ տրված ցանկում նախատեսված աշխատանքների մեծամասնությունում հղի կանանց ներգրավման արգելքը կանխատեսել է, սակայն ոչ բոլոր բնագավառներում: Այսպես, համաձայն վերոնշյալ որոշման, ծանր և վնասակար աշխատանքների թվին են դասվում`

• Ձուկ ապխտողներ և ապխտման խցիկներն սպասարկող այլ աշխատողներ,
• Ռադիոկենտրոնի օպերատոր,
• Գաղտնալսումներ իրականացնողներ,
• Արխիվների լաբորատորիայի վարիչ,  բաժանմունքի վարիչ,  վարպետ պատճենահանող,
• Արխիվների կինո-, ֆոտո-, ֆոնո- փաստաթղթերի և ապահովագրական պատճենների մասնաճյուղի աշխատողներ:

Իրազեկումը պատրաստված է Հայաստանի երիտասարդ իրավաբանների ասոցիացիայի կողմից «Կանանց իրավունքների օրակարգային հարցերի խթանում» ծրագրի շրջանակներում: Իրավաբան.net