Հայտարարվում է մրցույթ` ՀՀ սահմանադրական դատարանի նախագահի կողմից ներկայացվող բարձրաստիճան պաշտոնատար անձանց էթիկայի հանձնաժողովի անդամի թափուր պաշտոնն զբաղեցնելու համար։
Նշված թափուր պաշտոնի համար մրցույթին կարող են մասնակցել` 1) 30 տարին լրացած, 2) բարձրագույն կրթություն ունեցող, 3) բարոյական բարձր հատկանիշներով օժտված, 4) հասարակության կողմից ճանաչված եւ 5) առնվազն 10 տարվա աշխատանքային ստաժ ունեցող քաղաքացիները: Այս մասին տեղեկանում ենք ՀՀ սահմանադրական դատարանից։
Մրցույթին մասնակցելու համար պահանջվում է ներկայացնել հետեւյալ փաստաթղթերը`
ա) դիմում,
բ) անձնագրի պատճեն,
գ) բարձրագույն կրթությունը հաստատող փաստաթղթի պատճեն,
դ) ինքնակենսագրություն (մանրամասն),
ե) աշխատանքային գրքույկի պատճեն կամ քաղվածք աշխատանքային գրքույկից կամ տեղեկանք աշխատանքային գործունեության մասին` օրենսդրությամբ սահմանված կարգով վավերացված (հաստատված),
զ) մասնագիտական գիտելիքներն ու գործնական կարողությունները հավաստող այլ փաստաթղթեր (գիտական աշխատություններ, հրապարակումներ կամ դրանց ցանկը), է) 2 լուսանկար` 3×4 չափի:
Փաստաթղթերը ներկայացվում են ՀՀ սահմանադրական դատարանի աշխատակազմ` ամեն օր՝ մինչեւ 10.05.2015թ. ներառյալ (բացառությամբ՝ շաբաթ եւ կիրակի օրերի)` ժամը 10:00-17:30` Երեւան, 0019, Բաղրամյան պողոտա 10 հասցեով:
