Օդանավակայանում քաղաքացին կոպիտ կերպով խախտել է հասարակական կարգը և դիմել փախուստի

2014թ. դեկտեմբերի 7-ին «Շիրակ» օդանավակայանում ծառայություն իրականացնող ոստիկանության աշխատակիցը հաղորդել է, որ նշված օրը՝ ժամը 20:00-ի սահմաններում, հիշյալ օդանավակայանի սպասասրահում քաղաքացի Արթուր Ա.-ն կոպիտ կերպով խախտել է հասարակական կարգը, չենթարկվելով իր օրինական պահանջներին` տվել անհասցե հայհոյանքներ, որի ընթացքում բռունցքով հարվածներ է հասցրել կրծքավանդակին ու, օգտվելով քաղաքացիների բազմությունից, դիմել է փախուստի: Այս մասին տեղեկանում ենք ՀՀհատուկ քննչական ծառայությունից։

Դեպքի առթիվ ՀՀ քննչական կոմիտեի Շիրակի մարզային քննչական վարչությունում հարուցված քրեական գործով Արթուր Ա.-ին մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով: Նախաքննության ընթացքում Արթուր Ա.-ն, իր հերթին, հայտնել է, որ ՀՀ ոստիկանության աշխատակիցը ծառայողական պարտականությունները կատարելու ժամանակ բռնություն է գործադրել իր նկատմամբ: ՀՀ գլխավոր դատախազի կողմից գործի փաստական հանգամանքներով պայմանավորված, բազմակողմանի, լրիվ և օբյեկտիվ քննությունը երաշխավորելու անհրաժեշտությունից ելնելով` քրեական գործն ուղարկվել է ՀՀ հատուկ քննչական ծառայություն:

Կատարվում է նախաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարը՝ zvartnots.aero/am

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել