Բարձրաստիճան պաշտոնատար անձանց էթիկայի հանձնաժողովը 2015 թվականի ապրիլի 14-ին հանդիպել է Եվրոպայի Խորհրդի Կոռուպցիայի դեմ պայքարի պետությունների խմբի (ԳՐԵԿՈ) պատվիրակության անդամներին, որոնք Հայաստանում են կոռուպցիայի հաղթահարման ուղղությամբ ԳՐԵԿՈ-ի հանձնարարականների իրականացման գնահատման 4-րդ փուլի աշխատանքների շրջանակում: Պատվիրակության կազմում էին ԳՐԵԿՈ-ի քարտուղարության ներկայացուցիչ Մայքլ Ջանսենը և ոլորտի ճանաչված միջազգային փորձագետներ:
Հանդիպման ընթացքում քննարկվել են Հայաստանի գույքի և եկամուտների հայտարարագրման համակարգի ձեռքբերումներն ու խնդիրները, ինչպես նաև էթիկայի ոլորտի զարգացման օրենսդրական խոչընդոտներն ու դրանց վերացման անհրաժեշտությունը:
