Այսօր Կենտրոն և Նորք-Մարաշ վարչական շրջանների ընդհանուր իրավասության դատարանում պետք է տեղի ունենար Հայկ Կյուրեղյանի գործով հերթական դատական նիստը, սակայն այն հետաձգվեց կողմերի բացակայության պատճառով: Դատարանում ներկա էին միայն դատավորն ու լրագրողները, դատավարության մասնակիցները չէին ներկայացել:
Նիստը նշանակվեց մարտի 27-ին: Հիշեցնենք` ամբաստանյալը 2014թ. հուլիսի 12-ին կրակոցներ էր արձակել նույն դատարանի շենքի դիմաց:
Այդ ժամանակ դատարանում ընթանում էր Շանթ Հարությունյանի և ընկերների գործով դատական նիստը: Հայկ Կյուրեղյանը բարձրացել էր տարածքում կայանած մեքենայի վրա, աղաղակել և «Մակարով» տեսակի օդամղիչ ատրճանակով կրակոցներ արձակել ոստիկանների ուղղությամբ:
Լիլիթ Շաբոյան
