Այս գործի մյուս նիստերը՝
բացել բոլորը
Փակել

Ամբաստանյալի խոսքերով՝ տուժողը խճճել է իրավապահներին

«Արտակ Գալստյանը երբեք չի տուժում, իր ասելով, նա միշտ արդարացված է դուրս գալիս և անպատիժ մնում» ,- այսօր «Ֆինանսական բուրգի» գործով միակ ամբաստանյալ Արթուր Անդրեասյանը, խոսելով տուժողներից Արտակ Գալստյանի մասին, Կենտրոն և Նորք-Մարաշ շրջանների ընդհանուր իրավասության դատարանում նման հայտարարությամբ է հանդես եկել:

Ամբաստանյալը մեղադրել է տուժողին՝ իր վստահությունը չարաշահելու և գումարաներ հափշտակելու համար: Անդրեասյանի խոսքերով, ինքը 680.000 ԱՄՆ դոլար է պարտք Գալստյանին, մինչդեռ վերջինս խոսում է 720.000 ԱՄՆ դոլարի մասին. «Արտակը ինձ առաջարկել է տոկոսով գումար՝ իրեն շահավետ պայմաններով, ես համաձայնել եմ, երբ եկավ մի պահ, որ չէի կարողանում գումարը վճարել, նա գնացել ու խլել է ինձնից հանքս»,- դատարանում ասաց ամբաստանյալը:

Նշենք, որ ամբաստանյալ Արթուր Անդրեասյանի հայրը՝ Վասիլի Անդրեսյանը, եղել է Կոտայքի մարզի Ջրաբեր գյուղում հանքամասի բաժնետոմսերի սեփականատերը: Ըստ Արթուր Անդրեասյանի՝ 2013 թվականի մարտ ամսին Արտակ Գալստյանը գնացել է հանքամաս, ապօրինաբար վերցրել է կառույցի կնիքը, որոշ փաստաթղթեր, կեղծել իր հոր ստորագրությունը. «Երբ խլեց հանքը, այնտեղ կային արդեն կնքված եկամտաբեր պայմանագրեր, որոնք ինքը հետո ծախեց»,- նշեց ամբաստանյալը՝ հավելելով, որ իր հոր առողջական վիճակը դեպքերից հետո վատացել է, այժմ հա անկողնային հիվանդ է: Անդրեասյանը տուժողին նաև մեղադրեց Բաղրամյան պողոտա 77 շենքի՝ 91 միլիոն ՀՀ դրամ արժողությամբ 8-րդ բնակարանը հափշտակելու մեջ:

Արթուր Անդրեսյանը դատարանում կարծիք հայտնեց, թե Արտակ Գալստյանը նախկինում եղել է դատապարված, բայց այժմ կարողանում է «խճճել իրավապահ մարմիններին, որպեսզի մաքուր դուրս գա»:

Նշենք, որ հերթական դատական նիստին տուժող Արտակ Գալստյանը ներկա չէր: Պաշտպանական կողմը միջնորդեց դատարանին քայլեր ձեռնարկել տուժողին դատարան կանչելու ուղղությամբ: Մեղադրողն առարկեց, դատարանը մերժեց միջնորդությունը: Հաջորդ դատական նիստը տեղի կունենա մարտի 12-ին:

Հերմինե Վիրաբյան

Իրավաբան.net

  Դիտվել է`

Այլ դատական գործեր

Դատական գործերի տեսանյութեր

Դատական գործեր (ֆոտո)

Հետևեք մեզ Facebook-ում

  Պատուհանը կփակվի 6 վայրկյանից...   Փակել