Փետրվարի 1-ին, ժամը 18.58-ին ահազանգ է ստացվել, որ Վայոց ձորի մարզի Արենի գյուղի մոտակայքում ավտոմեքենա է ընկել գետը, կան տուժածներ, անհրաժեշտ է օգնություն: Այս մասին տեղեկացնում են ՀՀ Տարածքային կառավարման և արտակարգ իրավիճակների նախարարությունից: Աղբյուրը փոխանցում է, որ դեպքի վայր է մեկնել մեկ մարտական հաշվարկ:
Պարզվել է, որ Մ-2 միջպետական ավտոճանապարհի 112-րդ կմ-ում «Մերսեդես» մակնիշի 34PV961 պետհամարանիշի ավտոմեքենան դուրս է եկել ճանապարհի երթևեկելի մասից և ընկել գետը, ինչից 1988թ. ծնված Ա.Գ. տեղում մահացել է, իսկ Ռ. Ռ.-ն տեղի ուժերով տեղափոխվել է Եղեգնաձորի ԲԿ, որտեղ բժիշկները առողջական վիճակը գնահատել են բավարար: Հրշեջ-փրկարարները հատուկ տեխնիկայի օգնությամբ ավտոմեքենան դուրս են բերել գետից:
