ՀՀ Քննչական կոմիտեի նախագահի խորհրդական Սոնա Տռուզյանը Իրավաբան.net-ի հետ զրույցում հաղորդեց, որ Վալերի Պերմյակովը ցուցմունքներ է տվել` պատմելով դեպքերի զարգացումը: Հավելյալ տեղեկատվություն տիկին Տռուզյանը չտրամադրեց:
ՀՀ ոստիկանությունից նույնպես հաստատեցին, որ Գյումրիի դաժան սպանության մեջ կասկածվողը ցուցմունքներ է տվել:
News.am կայքը, հղում անելով, ՀՀ ոստիկանապետի առաջին տեղակալ Հունան Պողոսյանին, ով գլխավորում է ոստիկանապետի հրամանով ստեղծված օպերատիվ խումբը, գրել է. «Պերմյակովը սկսել է ցուցմունք տալ եւ պատմել է, որ դուրս է եկել պոստից, ցանկացել է մի քիչ զբոսնել, գնացել է այդ հասցեն՝ ջուր խմելու, դուռը ծեծել է, չեն բացել, փորձել է մտնել, այնուհետեւ մարդ է արթնացել ու այդպես տեղի է ունեցել այն, ինչ եղել է»:
