Այս գործի մյուս նիստերը՝
բացել բոլորը
Փակել

Քաղհայցով Վարդան Պետրոսյանից պահանջվում է շուրջ 12 մլն 500 հազար ՀՀ դրամի չափով գումար

Կոտայքի մարզի ընդհանուր իրավասության առաջին ատյանի դատարանում այսօր դերասան Վարդան Պետրոսյանի մասնակցությամբ ավտովթարի գործով տուժող կողմի ներկայացուցիչ փաստաբան Ռուբեն Բալոյանը քաղհայցով հանդես եկավ:

Նա դատարանից խնդրեց տուժող Արթուր Հակոբյանի դուստր` տուժող Տաթևիկ Հակոբյանի բուժման, հետագա վերականգնողական և փոխադրման համար Վարդան Պետրոսյանից բռնագանձել 10 մլն 165 հազար ՀՀ դրամ, որոնցից շուրջ 443 հազար 213 ՀՀ դրամը` բուժման և վերականգնողական ծախսերը հոգալու համար, 200 հազար ՀՀ դրամը տուժողի վիրահատության ծախսի: Փաստաբանը նշեց նաև, որ շուրջ երկու տարի տուժողը պետք է վերականգնողական բուժում անցնի, ընդհանուր արժեքը հաշվարկել են 7 մլն 830 հազար ՀՀ դրամի չափով, այդ ընթացքում նա չի կարող երթուղային տրանսպորտով տեղափոխվել, պետք է հոգալ նաև տաքսու ծախսերը, ընդհանուր փոխադրման ծախսերը հաշվարկվել է 1 մլն 440 հազար ՀՀ դրամ: Վարդան Պետրոսյանը, ըստ Ռուբեն Բալոյանի հայցի, պետք է փոխհատուցի նաև Տաթևիկ Հակոբյանի փաստաբանի ծախսերը:

Տուժող Արթուր Հակոբյանի բուժման համար փաստաբանը խնդրեց դատարանից Վարդան Պետրոսյանից բռնագանձել բուժման համար` 145 հազար 800 ՀՀ դրամի չափով գումար, փաստաբանի խելամիտ վարձատվության համար` 1 մլն ՀՀ դրամ, ընդհանուր փոխհատուցումը Արթուր Հակոբյանի մասով կազմեց` 1 մլն 145 հազար 800 ՀՀ դրամ:

Տուժող Նաիրա Հայրապետյան վնասի չափը, պարոն Բալոյանի քաղհայցի հաշվարկներով, կազմում է 400 հազար ՀՀ դրամ, տուժող Էդգար Հակոբյանի իրավահաջոդր Աննա Կարապետյանի պատճառված և հատուցման ենթակա վճարի գինը 450 հազար ՀՀ դրամ` որպես փաստաբանի վարձավճար: Տուժող Հայկ Հակոբյանին փաստաբանական ծառայություն մատուցելու համար պաշտպանը խնդրեց բռնագանձել 250 հազար ՀՀ դրամ, նույնը նաև Էմմա Հակոբյանի պարագայում:

Ընդհանուր գումարը կազմում է շուրջ 12 մլն 500 հազար ՀՀ դրամ: Վարդան Պետրոսյանի պաշտպանները առարկեցին, նշելով, որ հիմնավորումները խելամիտ չեն: Փաստաբան Նիկոլայ Բաղդասարյանը նշեց, որ քաղհայցի հաշվարկները անհասկանալի են: Փաստաբանը դատարանից խնդրել հատկացնել ողջամիտ ժամանակ քաղհայցի հանգամանքներին ծանոթանալու և ծախսերը հստակեցնելու համար:

Համաձայն մեղադրական եզրակացության` Վարդան Պետրոսյանին մեղադրանք է առաջադրվել այն բանի համար, որ նա 2013թ. հոկտեմբերի 20-ին, ժամը 22:10–ի ավտոմեքենան վարել է բնակավայրում սահմանված թույլատրելի առավելագույնը գերազանցող առնվազն ` 71 կմ/ժ արագությամբ և երթևեկության ընթացքում միաժամանակ օգտվելով հեռախոսակապից, ինքն իրեն զրկել է ավտոմեքենայի լիարժեք կառավարումն իրականացնելու տեխնիկական հնարավորությունից ստեղծել է վթարային իրադրութուն, որի արդյունքում ավտոմեքենան դուրս է բերել երթևեկելի մասից դեպի աջ և առջևի մասով ընդհարվել է հողածածկ կողնակում կանգնած վիճակում գտնվող «Վազ 21214» մակնիշի ավտոմեքենայի հետևի մասին: «Վազ -21214» մակնիշի ավտոմեքենայի ուղևորներ էդվարդ Արթուրի Հակոբյանին և էդգար Հայկի Հակոբյանին անզգուշությամբ պատճառել է մահ, Տաթևիկ Արթուրի Հակոբյանի առողջությանը, ծանր վնաս` որպես կյանքին վտագ սպառնացող, Հայկ Մարտիրոսի Հակոբյանի, էմմա Հայկի Հակոբյանի ինչպես նաև ավտովարորդ Արթուր Մարտիրոսի Հակոբյանի առողջությանը, միջին ծանրության վնաս` առողջության տևական քայքայումով:

Իրավաբան.net

Այս գործի մյուս նիստերը՝

Այլ դատական գործեր

Կարևոր լուրեր

Հետևեք մեզ Facebook-ում

  Պատուհանը կփակվի 6 վայրկյանից...   Փակել