56 մլն դրամի գողության և օժանդակության համար մեղադրվող Աշոտ Առուշանյանի ընտանիքի երեք անդամները` հայրը, մայրն ու եղբայրը, ովքեր շուրջ մեկ շաբաթ հացադուլ էին իրականացնում ՀՀ նախագահականի դիմաց, այսօր դադարեցրել են այն:
Այս մասին հաղորդեց Աշոտ Առուշանյանի հայրը` Լավրենտ Առուշանյանը: Նա նշեց, որ իրենք պատասխան են ստացել ՀՀ նախագահականից. «Մեզ ընդունեցին, երաշխավորեցին, որ արդար դատավարություն պետք է լինի: Մենք մեր բոլոր փաստերը ներկայացրեցինք»,- ասաց պարոն Առուշանյանը` հաղորդելով վաղը նրան և փաստաբան Լիպարիտ Սիմոյանին կրկին կընդունեն ՀՀ նախագահականում:
Նշենք նաև, որ երեկվանից հացադուլ է սկսել Աշոտ Առուշանյանը, հայրն այս առումով ասաց. «Ես դեմ եմ, որ նա հացադուլ է անում: Ես չեմ կարողանում նրա հետ որևէ կերպ կապ հաստատել»:
Աշոտ Առուշանյանի գործին կարող եք ծանոթանալ` այստեղ: