Այսօր հետաձգվեց «ՀՀ դատական դեպարտամենտ» պետական կառավարչական հիմնարկի նախկին ղեկավար Միսակ Մարտիրոսյանի և մյուսների գործը: Նիստին ներկա չէր Միսակ Մարտիրոսյանի փաստաբան Արթուր Գրիգորյանը: Նա իր բացակայության մասին դատարանին տեղեկացրել էր հեռախոսազանգի միջոցով:
Միսակ Մարտիրոսյանը նշեց, որ ցանկանում է տվյալ դատական նիստին հրաժարվել իր պաշտպանի ծառայությունից, նախագահող դատավոր Արշակ Վարդանյանը պատասխանեց, որ նման նորմ նախատեսված չէ: Դատավորը հետաձգեց դատական նիստը` այն նշանակելով նոյեմբերի 24-ին:
