Այս գործի մյուս նիստերը՝
բացել բոլորը
Փակել

Վարդան Պետրոսյանի գործով քննիչի արձանգրություններում հակասություններ կան. պաշտպանական կողմ

Ինչպես արդեն տեղեկացրել ենք այսօր Կոտայքի մարզի ընդհանուր իրավասության դատարանում այսօր շարունակվեց Վարդան Պետրոսյանի դատական գործը:

Այսօրվա նիստին պաշտպանական կողմը լրացուցիչ փաստաթղթեր ներկայացրեց դատարանին, որոնցում մասնագետների կողմից կարծիք է հայտնվում` դեպքի վայրի զննության առնչությամբ: Կողմը խնդրեց դատարանին ներկայացված փաստաթղթերը կցել քրեական գործին և հետազոտել դրանք:

Վարդան Պետրոսյանի պաշտպաններից Սամվել Ջաղինյանը Իրավաբան.net-ին փոխանցեց, որ հոկտեմբերի 20-ին կատարված դեպքի վայրի զննության քննչական գործողությունները խախտումներով են իրականացվել. «Դատարան ներկայացված փաստաթղթերում առկա է նաև մասնագետի կարծիքը, որը համադրել է դեպքի վայրի զննության հատակագիծը: Մասնագետն նշել է, որ կա հակասություն քննիչի գրածի և զննության մեջ գոյություն ունեցող իրավիճակների միջև»:

Փաստաթղթերին ծանոթանալու համար դատարանը ժամանակ տվեց կողմերին, դատական գործի քննությունը տեղափոխվեց հաջորդ շաբաթ:

Իրավաբան.net

Այս գործի մյուս նիստերը՝

Այլ դատական գործեր

Կարևոր լուրեր

Հետևեք մեզ Facebook-ում

  Պատուհանը կփակվի 6 վայրկյանից...   Փակել