Պահեստազորի գնդապետ Վոլոդյա Ավետիսյանի պաշտպան Արա Զաքարյանը դեռ չի ստացել Վերաքննիչ քրեական դատարանի որոշումը: Սեպտեմբերի 16-ին դատարանը մերժեց Վոլոդյա Ավետիսյանի պաշտպանի բողոքը՝ անփոփոխ թողնելով Արաբկիր և Քանաքեռ Զեյթուն վարչական շրջանների ընդհանուր իրավասության դատարանի հունիսի 17-ի վճիռը, որով Ավետիսյանը դատապարտվել էր 6 տարվա ազատազրկման:
Արա Զաքարյանը Իրավաբան.net-ի հետ զրույցում նշեց, որ այն ստանալուն պես կվիճարկի Վճռաբեկ դատարանում: Պարոն Զաքարյանը Վերաքննիչի վճիռը անօրինական որակեց. «Սա բացահայտ անօրինական և ապօրինի դատական ակտ էր»,- նշեց փաստաբանը հավելելով, որ եթե Վճռաբեկ դատարանում հաջողություն չհասնելի, կդիմի Մարդու իրավունքների եվրոպական դատարան:
Հիշեցնենք` Վոլոդյա Ավետիսյանը 2013թ. մայիսին նստացույց սկսեց Ազատության հրապարակում` բարձրաձայնելով ազատամարտիկների սոցիալական խնդիրների մասին: Նա խարդախության կասկածանքով ձերբակելվեց 2013թ. սեպտեմբերի 20-ին, իսկ սեպտեմբերի 22-ին դատարանը նրա նկատմամբ երկամսյա կալանք սահմանեց: 2014թ. հունիսի 17-ին պահեստազորի գնդապետը դատապարտվեց 6 տարի ազատազրկման:
