Քաղաքացիները վարչական ու քաղաքացիական գործերով չեն կարող Վճռաբեկ դատարան դիմել. փոփոխություններ օրենքներում

ՀՀ քաղաքացիական դատավարության օրենսգիրքը սահմանում է, որ «քաղաքացիները կարող են դատարանում իրենց գործերը վարել անձամբ կամ իրենց ներկայացուցիչների միջոցով: Քաղաքացու մասնակցությունը գործին չի զրկում նրան` գործով ներկայացուցիչ ունենալու իրավունքից: Դատարանում իրավաբանական անձանց գործերը վարում են օրենքով կամ կանոնադրությամբ վերապահված լիազորությունների սահմաններում գործող նրանց մարմինները կամ ներկայացուցիչները»:

Գործերը վարել՝ նշանակում է ներկայացնել հայց, հանդես գալ դատարանում, կատարել այլ դատավարական գործողություններ, նաև բողոքարկել դատական ակտը: Սակայն 2014 թվականի հունիսի 10-ին ընդունված` «ՀՀ քաղաքացիական դատավարության օրենսգրքում փոփոխություններ և լրացումներ կատարելու մասին » ՀՀ օրենքով սահմանվել է, որ գործին մասնակցող ֆիզիկական և իրավաբանական անձինք վճռաբեկ բողոք կարող են ներկայացնել միայն փաստաբանի միջոցով:

Նույն կարգավորումն է տրված նաև ՀՀ վարչական դատավարության օրենսգրքով, որն ուժի մեջ է մտել 2014թ. հունվարի 1-ից:

 

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել