Այսօր Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում մեկնարկել է «Ցեղակրոն» կուսակցության ղեկավար Շանթ Հարությունյանի և մյուսների գործի քննությունը: Իրավաբան.net-ի թղթակցի փոխանցմամբ` դատարանի շենքի դիմաց լարված իրավիճակ է: Նախ դատական կարգադրիչներն ու ոստիկանները թույլ չեն տվել քաղաքացիներին ներկա գտնվել դատավարությանը` պատճառաբանելով, որ դահլիճում տեղ չկա: Ավելի ուշ ամբաստանյալների որոշ ազգականների հնարավորություն է տրվել ներկա գտնվել նիստերի դահլիճում:
Այս պահին լարված իրավիճակը դեռ շարունակվում է:
