Այսօր, սպանված զինծառայող Լյուքս Ստեփանյանի սպանության գործի քննության ժամանակ, մեղադրող Արթուր Զաքարյանը հանդես եկավ ճառով: Նա դատարանից պահանջեց ամբաստանյալ Դավիթ Խաչատրյանին դատապարտել 18 տարվա ազատազրկման:
Ամբաստանյալն էլ իր հերթին հանդես եկավ հայտարարությամբ՝ նշելով, որ իրեն դատում են իր չարածի համար. «Ինձ դատեք նրա համար, որ ես արել եմ: Ու այս պահից ես հացադուլ եմ հայտարարում»:
Ամբաստանյալի այս հայտարարությունը լարված իրադրություն ստեղծեց դատարանում: Լյուքս Ստեփանյանի հարազատներին դատախազի առաջարկած պատժաչափը չբավարարեց: Նրանք պահանջում են ցմահ ազատազրկում:
Մանրամասները՝ շուտով:
Հանրային թղթակից՝ Վահագն Թամրազյան
