Ի՞նչ է Baby-box -ը (լուսանկարներ)

Baby-box-ը համապատասխան վայր է, որտեղ ծնողները թողնում են իրենց երեխաներին:

 

Այն ժամանակ, երբ մայրը կամ հայրը հրաժարվում է իր երեխայից և չի ցանկանում պահել, ապա երխային դնում է Baby-box-ում:

 

Եթե երախայի հետ ամեն ինչ նորմալ է, ապա ծնողին ոչ ոք էլ չի փնտրի:

 

Այն դեպքում, երբ Baby-box-ում երեխային դնելուց հետո մայրը զղջա իր կատարած արարքի համար, ապա իրեն տրվում է առավելագույնը կես ժամ ժամանակ երեխային հետ վերցնելու համար, հակառակ դեպքում երեխային վերցնում են տվյալ հաստատության բուժաշխատակիցները:

 

Ի դեպ, նշենք, որ տարբեր երկրներում երեխային հետ վերցնելու ժամկետը տարբեր է: 

 

Այնուհետև երեխային ուղարկում են համապատասխան հաստատություն որտեղ երեխային կարող են որդեգրել:

 

Իսկ այն դեպքում, երբ կարճ ժամանակ անց ծնողը զղջում և ցանկանում է երեխային հետ վերցնել, ապա կատարվում է համապատասխան ԴՆԹ փորձաքննություն, որի հաստատման դեպքում երեխային հանձնում են ծնողներին, իհարկե եթե երեխային դեռ այլ անձիք որդեգրած չեն լինում:

 

Չեխիայում, Լիտվիայում, Լատվիայում, Իտալիայում, Գերմանիայում նման արկղերն արդեն գործում են 10 տարի:

 

Հայաստանում նման արկղեր չկան, միգուցե այդ պատճառով են ծնողները հաճախ լքում իրենց երեխաներին փողոցներում, պատերի անկյուններում և այլուր:

 

Այս առումով, երևի թե, արդարացված է նման արկղերի գոյությունը, քանզի առավել լավ է երեխային թողնել բժիշկների հսկողության ներքո, քան թողնել փողոցում:

 

Չէ՞ որ հարց է ՝ երեխան որքա՞ն ժամանակ պետք է բարձիթողի և քաղցած մնա՝ սպասելով որևէ մեկին, ով կգտնի իրեն:

 

Դառնագին խոսքերը կրկնապատկվում են այն ժամանակ, երբ հանդիպում ենք այն դեպքերի, երբ երեխային գտնում են բավական ուշ:

 

Իսկ այն դեպքում, երբ Դուք գտնեք երեխա ՀՀ-ում, ապա հիշեցնենք Ձեր օրենսդրական պարտականությունների վերաբերյալ:

 

Համաձայն ՀՀ օրենսդրության` երեխային գտած անձը այդ մասին 48 ժամվա ընթացքում պարտավոր է հայտարարություն տալ երեխայի գտնվելու վայրի ոստիկանության կամխնամակալության և հոգաբարձության մարմին:

 

Ոստիկանության, խնամակալության և հոգաբարձության մարմինները, դաստիարակչական ու բժշկական, ազգաբնակչության սոցիալական պաշտպանության կամ նմանատիպայլ կազմակերպություններ պարտավոր են երեխայի գտնվելուց հետո` յոթ օրվա ընթացքում, հայտարարել գտնված` ընկեցիկ, երեխայի ծննդի պետական գրանցման մասին:

 

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել