Նորություններ

Լիբիայում կալանավորել են Միջազգային քրեական դատարանի փաստաբանին

Լիբիայի նոր իշխանությունները կալանավորել են Միջազգային քրեական դատարանի փաստաբան, ավստրալուհի Մելիդա Թեյլորին՝ Լիբիայի նախկին առաջնորդ Մուամար Քադաֆիի որդի Սեյֆ ալ Իսլամին փաստաթղթեր փոխանցելու պահին, տեղեկացնում է «Ֆրանսպրես» գործակալությունը:

Միջազգային քրեական դատարանի Լիբիայի ներկայացուցիչ Ահմեդ ալ Ջեհանիի խոսքերով, հունիսի 8-ին Մելիդա Թեյլորը Սեյֆ ալ Իսլամի հետ հանդիպման ընթացքում փորձել է նրան փոխանցել փաստաթղթեր, որոնք սպառնալիք են ներկայացնում Լիբիայի անվտանգության համար: Նրա խոսքերով այդ փաստաթղթերը Սեյֆ ալ Իսլամին էր փորձել փոխացել նրա զինակից Մոհամեդ Իսմայիլը, որը գտնվում է փախուստի մեջ:

Թեյլորին ձերբակալելուց անմիջապես հետո նրան վերցրել են տնային կալանքի տակ:

Սեյֆ ալ Իսլամ Քադաֆին ձերբակալվել է Լիբիայում 2011թ.-ին նոյեմբերին՝ պետական հեղաշրջումից հետո: Միջազգային քրեական դատարանը Լիբիայից պահանջում է Հաագայի դատարանին հանձնել Լիբիայի նախկին առաջնորդի որդուն, սակայն Լիբիայի իշխանությունները պնդում են, որ Սեյֆ ալ Իսլամի դատավարությունը անհրաժեշտ է ացկացնել հայրենիքում:

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել