Մեծ Բրիտանիայի համայնքների պալատում, երբ քննարկվում էր հասարակաց տների մարմնավաճառների իրավունքների պաշտպանության օրինագիծը, ոմանք կասկածում էին, թե կընդունվի՞ արդյոք այդ օրինագիծը: Վճռական խոսքն ասացին հենց իրենք, հնագույն արհեստի ներկայացուցիչները: Նրանք պահանջեցին, որ իրենց իրավունքները հավասարեցվեն սպասարկման ոլորտում աշխատողների իրավունքներին և հայտարարեցին, որ օրինագիծը մերժելու դեպքում կհրապարակվեն այն օրենսդիրների անունները, որոնց «բավականին լավ են ճանաչում»: Օրինագիծն ընդունվեց: Պալատի անդամներից 130-ը քվեարկեցին կողմ և միայն 50-ը՝ դեմ: