Այս գործի մյուս նիստերը՝
բացել բոլորը
Փակել

Դատարանը մերժեց պաշտպանի ներկայացրած միջնորդությունը

Վարդան Սեդրակյանի և մյուսների գործով այսօր ընթացող դատական նիստի ժամանակ գործով տուժող Պարույր Հայրիկյանը միջնորդություն ներկայացրեց, որպեսզի դատարանը ուսումնասիրի գործի նյութերից դուրս մի ապացույց:

Ըստ այդ ապացույցի՝ Ռուսաստանի քաղաքացիներ Էդուարդ և Ալեքսանդր Աբրահամյանները Պարույր Հայրիկյանի նկատմամբ կատարված մահափորձից առաջ հարյուր հազար դոլար են փոխանցել Վարդան Սեդրակյանի հաշվին: Հայրիկյանը նշեց, որ այդ փաստը իր համար կասկածելի է:

Դատարանը մերժեց ներկայացված միջնորդությունը՝ պատճառաբանելով, որ գործի սահմաններից դուրս է:

Վարդան Սեդրակյանի պաշտպան Ալեքսանդր Սիրունյանը խափանման միջոցը փոխելու և որպես նոր խափանման միջոց գրավն ընտրելու մասին միջնորդություն ներկայացրեց, ինչպես նաև խնդրեց, որ որպես գրավ ընդունվի Վարդան Սեդրակյանի ամբողջ շարժական և անշարժ գույքը:

Ըստ Սիրունյանի, եթե անգամ մեկ ապացույց լիներ Սեդրակյանի դեմ, իրենք այդ քայլին չէին դիմի. «Բացակայում են Վարդան Սեդրակյանի դեմ առաջադրված մեղադրանքի հիմքերը: Չկա անգամ մեկ հանգամանք, որը կապացուցի, որ Սեդրակյանը կապ ունի Հայրիկյանի հետ պատահած դժբախտությանը: Նրա կալանավորումն անտեղի է»:

Ըստ նրա՝ Սեդրակյանի գրասենյակից հայտնաբերված Հայկական ժամանակ օրաթերթը, որտեղ Հայրիկյանի նկարի վրա Սեդրկայնաը ինչ-որ բաներ է նկարել, որպես մահափորձի ապացույց չի կարելի համարել:

Սիրունյանը դատարանին ներկայացրեց նաև Արդարադատության նախարարության քրեակատարողական վարչության կողմից տրված համապատասխան փաստատթուղթ՝ ըստ որի Սեդրակյանն ունի առողջական խնդիրներ, բայց վերջինիս վիճակը կայուն է:

Պաշտպանության կողմը չառարկեց ներկայացված միջնորդությանը: Չառարկեցին նաև տուժող Հայրիկյանը և նրա պաշտպանը՝ Լևոն Բաղդասարյանը:

«Ես ի սկզբանե դեմ եմ եղել նախնական կալանավորմանը: Եթե հնարավոր է միջնորդություն եմ ներկայացնում, որպեսզի մյուս ամբաստանյալների նկատամաբ կիրառված խափանման միջոցը ևս փոխվի»:

Հիշյալ միջնորդությանն առարկեց գործով մեղադրող դատախազ Արամ Ամիրզադյանը:

Դատարանը շուրջ երեք ժամ տևած խորհրդակցությունից հետո որոշեց մերժել պաշտպան Ալեքսանդր Սիրունյանի ներկայացրած միջնորդությունը:

Հաջորդ դատական նիստը տեղի կունենա հուլիսի 1-ին:

Իրավաբան.net

 

Այս գործի մյուս նիստերը՝

Այլ դատական գործեր

Կարևոր լուրեր

Հետևեք մեզ Facebook-ում

  Պատուհանը կփակվի 6 վայրկյանից...   Փակել