Նորություններ

«Ժառանգությունից հրաժարվելը հօգուտ այլ անձի». պարզաբանում է նոտարը

– Հայտնի է, որ ժառանգման իրավունքից հրաժարվել կարող են ինչպես ըստ օրենքի, այնպես էլ ըստ կտակի ժառանգները:

Նշենք, որ ՀՀ Քաղաքացիական օրենսգիրքը թույլատրում է նաև ժառանգությունից հրաժարվել հօգուտ այլ անձի՝ ամրագրելով, որ ժառանգությունից հրաժարվելու դեպքում ժառանգն իրավունք ունի նշել, որ նա դրանից հրաժարվում է հօգուտ ըստ կտակի կամ ըստ օրենքի ցանկացած հերթի ժառանգների` ներառյալ նրանց, ովքեր ժառանգում են ներկայացվելու իրավունքով:

Մինչդեռ օրենսդիրը այս առումով նախատեսել է որոշ սահմանափակումներ: Մասնավորապես՝ հօգուտ այլ անձի չի թույլատրվում հրաժարվել կտակով ժառանգվող գույքից, եթե ժառանգատուի ամբողջ գույքը կտակված է իր կողմից նշանակված ժառանգներին:

Հօգուտ այլ անձի չի թույլատրվում հրաժարվել նաև ժառանգության պարտադիր բաժնից, կամ եթե ժառանգին նշանակված է ենթաժառանգ:

Կենտրոն տարածքի նոտար
Մարինե Մանուկյան

«Պարզաբանում է նոտարը» խորագիրը՝ Իրավաբան.net-ի և ՀՀ նոտարական պալատի համատեղ նախաձեռնությունն է, որի նպատակն է բարձրացնել քաղաքացիների իրավական իրազեկության մակարդակը:

Աղբյուր՝ Իրավաբան.net

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել