Պարտավո՞ր է վկան ներկայանալ դատարան

Վկան դատարան է կանչվում դատական ծանուցման համար օրենքով սահմանված կարգին համապատասխան:

 

Ծանուցագրում նշվում են դատարան չներկայանալու իրավական հետևանքները:

 

Վկան պարտավոր է ներկայանալ դատարան դատարանի կանչով: Եթե սահմանված կարգով ծանուցված վկան չի ներկայանում դատական նիստին, ապա նրա վրա են դրվում չներկայանալու հետևանքով առաջացած ծախսերը: Միևնույն ժամանակ նրա նկատմամբ կարող է օրենքով սահմանված կարգով նշանակվել դատական տուգանք: Դատարանը կարող է օրենսգրքով սահմանված կարգով վկային բերման ենթարկելու որոշում կայացնել:

 

Դրամական տուգանքի նշանակումը և ծախսերի հատուցման պարտականություն դնելը, ինչպես նաև բերման ենթարկելու մասին որոշումը վերացվում են, եթե վկան ապացուցում է, որ նա ժամանակին չի ստացել ծանուցումը, կամ նրա բացակայության պատճառը հարգելի է եղել:

 

Աղբյուր՝ Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել