Ինչպես իրավաբանական անձի պետական գրանցումը, այնպես էլ նրա գործունեության դադարումը ենթակա է պետական գրանցման ՀՀ արդարադատության նախարարության աշխատակազմի իրավաբանական անձանց պետական ռեգիստրի գործակալությունում:
Իրավաբանական անձի լուծարման պետական գրանցման համար ներկայացվում են հետևյալ փաստաթղթերը`
1) դիմում.
2) իրավաբանական անձի մասնակիցների կամ դրա համար կանոնադրությամբ լիազորված իրավաբանական անձի մարմնի որոշումը լուծարման հաշվեկշիռը հաստատելու մասին.
3) լուծարման հաշվեկշիռը.
4) իր կողմից տեղեկանք` լուծարվող կազմակերպության գործունեությամբ առաջացած անձնակազմին վերաբերող փաստաթղթերը պետական կամ համայնքային արխիվ հանձնված լինելու մասին:
«Սնանկության հետևանքով լուծարված իրավաբանական անձի լուծարման պետական գրանցման համար ներկայացվում են դատարանի` օրինական ուժի մեջ մտած վճիռը, դիմում և տեղեկանք` լուծարվող կազմակերպության անձնակազմին վերաբերող փաստաթղթերը պետական կամ համայնքային արխիվ հանձնված լինելու մասին», – նշում է «Հայաստանն ընդդեմ կոռուպցիայի» ծրագրի ավագ փաստաբան Կարեն Հովհաննիսյանը:
Աղբյուրը` Իրավաբան.net
