Պետդումայի պատգամավորները երրորդ ընթերցմամբ ընդունել են փողոցային ակցիաներ անցկացնելու իրավունքի չարաշահման համար պատասխանատվության ենթարկման վերաբերյալ օրինագիծը: Այս մասին հայտնում է Дождь-ը:
Երբ օրենքն ուժի մեջ մտնի, ապա հանրահավաքների համար դիմումներ ներկայացրած սակայն դրանք չանցկացրած անձիք կտուգանվեն:
Կտուգանվեն նաև այն ակցիաների կազմակերպիչները, որոնք առանց զգուշացնելու են փողոցային ակցիաներ անցկացրել:
Հիմնավորման մեջ նշվում է, որ նրանք պատասխանատվության են ենթարկվելու, քանի որ տեղական ինքնակառավարման մարմինները բյուջետային միջոցներ են ծախսում անվտանգության միջոցառումների կազմակերպման համար, մասնավորապես, ոստիկանության աշխատանքի համար:
Քաղաքացիները կտուգանվեն 5 հազարից մինչև 20 հազար ռուբլի, պաշտոնյաների համար`10-ից 30 հազար ռուբլի, իրավաբանական անձանց համար 20-ից մինչև 100 հազար ռուբլի:
