ԱՄՆ Սենատը կողմ է քվեարկել Բրետտ Կավանոյին Գերագույն դատարանի դատավորի պաշտոնում նշանակելու համար, հաղորդում է Associated Press- ը:
Նրա նշանակմանն աջակցել են 50 սենատորներ, 48-ը դեմ են եղել:
Այս պաշտոնի համար Կավանոյին առաջադրել է ԱՄՆ նախագահ Դոնալդ Թրամփը: Գերագույն դատարանում Կավանոն փոխարինելու է 82-ամյա դատավոր Էնթոնի Քենեդիին, որը նախկինում հայտարարել էր թոշակի գնալու մասին:
Սեպտեմբերի կեսերին բուհական պրոֆեսոր Քրիստինա Բլեյզի Ֆորդը մեղադրեց Կավանոյին` ավագ դպրոցում, երեկույթներից մեկի ժամանակ իրեն բռնաբարելու փորձ կատարելու համար:
Նրա խոսքերով, դա տեղի է ունեցել 1980-ականներին: Այնուհետև ևս երկու կին պատմեցին Կավանոյի ոտնձգությունների մասին:
Սեպտեմբերի 27-ին Սենատում լսվեցին Կավանաոյի և Քրիսթին Բլեյզի Ֆորդի ցուցմունքները: Կավանոն հերքեց բոլոր մեղադրանքները: Նրա խոսքերով, այդ մեղադրանքները «դիտավորյալ և կազմակերպված քաղաքական հարվածներ էին, որոնք իրականում ուղղված էին նախագահ Թրամփի դեմ»:
Տեսանյութը՝ C-SPAN-ի:
