Հայաստանի Հանրապետության փոխվարչապետ, ԲՀԿ-ն ներկայացնող Մհեր Գրիգորյանը ցանկություն է հայտնել մնալ և աշխատել Նիկոլ Փաշինյանի կառավարության հետ:
«Ես ցանկանում եմ տեղեկացնել, որ փոխվարչապետ Մհեր Գրիգորյանը ցանկություն է հայտնել մնալ և աշխատել մեզ հետ: Ես առաջարկում եմ ողջունել Մհեր Գրիգորյանի որոշումը»,- ասաց Փաշինյանը:
Այս մասին Բաղրամյան պողոտայում ընթացող հանրահավաքի ընթացքում հայտարարեց վարչապետ Նիկոլ Փաշինյանը:
Նշենք, որ ԲՀԿ և ՀՅԴ նախարարներին Նիկոլ Փաշինյանը քիչ առաջ ազատեց զբաղեցրած պաշտոններից:
