Երևանում կատարված դանակահարությունները բացահայտվեցին

Սեպտեմբերի 8-ին «որովայնի առաջնային պատի կտրած-ծակած վերք», «գլխի վնասվածք» և «որովայնի և կրծքավանդակի ծակած թափանցող վերքեր» ախտորոշումներով «Աստղիկ» բժշկական կենտրոն էին տեղափոխել 3 երիտասարդ: Նրանք հայտնել էին, որ վնասվածքները ստացել են թիվ 121 դպրոցի մոտ՝ վիճաբանության ժամանակ:

Փաստի առթիվ հարուցվել էր քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով:
Ոստիկանության Մալաթիայի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվեց, որ վիճաբանության ընթացքում երիտասարդներին վնասվածքները պատճառել են Գևորգ և Հովհաննես Պ.-ները:

Բացատրական աշխատանքի շնորհիվ, սեպտեմբերի 9-ին նրանք ինքնակամ ներկայացան ոստիկանություն և տվեցին խոստովանական բացատրություն:
Գևորգ Պ.-ն ներկայացրել է հանցագործության գործիք դանակն ու ձերբակալվել, իսկ Հովհաննես Պ.-ն ստորագրությամբ բաց է թողնվել:
Կատարվում է քննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել