«Սասնա ծռերից» ևս մեկ անդամ ազատ արձակվեց գրավի դիմաց

Երեւանի ընդհանուր իրավասության դատարանի Շենգավիթի նստավայրում շարունակվում է «Սասնա ծռերի» գործով դատական քննությունը: Ինչպես դատարանից հայտնում է մեր թղթակիցը, պաշտպանական կողմից միջնորդել է ամբաստանյալ Գագիկ Եղիազարյանի խափանման միջոցը փոխել:

 Գագիկ Եղիազարյանի համար անձնական երաշխավորություն են ներկայացրել «Ծառուկյան» խմբակցության պատգամավորներ Վահե Էնֆիաջյանը, Շաքե Իսայանը և Հակոբ Նազարյանը:

Դատարանը խորհրդակացական սենյակ գնաց՝ միջնորդության վերաբերյալ որոշում ընդունելու համար: Խորհրդակացական սենյակից դուրս գալուց հետո հրապարակեց որոշումն այն մասին, որ միջնորդությունը բավարարվել է: Գագիկ Եղիազարյանը կալանքից ազատ կարձակվի՝ գրավի դիմաց:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել